Hè un ghjornu particularu in a vita di u nosciu club. Dopu à più di 30 anni à u sirviziu di i nosci culori, una di i nosci più anziani impiegati sì ne và. Marie-Antoinette Batistini, più cunnisciuta sottu à u cugnome amichevuli « Nenette », piglia a so ritirata.
Una ritirata bè miritata dopu à avè datu tantu tempu è energia pà l’AC Aiacciu. A so affidata è a so passioni sò un asempiu pà tutti !
Duranti st’ultimi 30 anni, Nenette hà vissuta è participata à l’evuluzioni di u nosciu club passendu di u mondu amatori à u mondu prufissiunali, dipoi 25 anni. U so carataru è u so calori ani marcati tutti quiddi ch’ani avutu à travaddà in a noscia squadra. Nenette, u to stintu è a to voci ci mancharà.
Saremi sempri vicini à tè è semi filici è furtunati, à nomi di l’AC Aiacciu, d’avè ti avutu è d’avè ti sempri à u nosciu latu. Bona ritirata !
