ACA-RCL (1‑2) : si compii una billissima seria

A squadra hà persu contru à u RC Lens, sicondu di u campiunatu (1-2). C’hè da essa dillusi chì l’Orsi aviani marcatu i primi dopu à 10 minuti di ghjocu in un stadiu in bullori. Ma i Nurdisti ani sappiutu apprufittà d’una sculisciata pà ripiglià a suprana. Eccu a fini d’una bella seria pà i nostri Bianchi è Rossi ch’ùn aviani più persu dipoi u 30 d’aostu. Avà, ci vò à appruntà l’ultima partita di l’annu sabbatu chì veni in Troyes.