Matthieu Huard (Stade Rennais) à l’ACA!

U marcatu aiaccinu pà a staghjoni 2019-2020 principia incù a ghjunta di Matthieu Huard (Stade Rennais), difensori à manca di 20 anni chì hà signatu sta mani incù a casa bianca è rossa. U ghjovanu ghjucadori chì veni da u centru di furmazioni brittonu avia righjuntu a squadra duranti u staziu in Anglet u 6 di lugliu scorsu. Arditu è generosu à l’intrinamentu è pà i scontri amichevuli, u ghjuvanottu hà sappiutu cunvincia à Olivier Pantaloni : « Ci hà fattu veda i qualità ch’ognunu ricunnosci in lu so ghjocu. Qualità tecnichi, ingaghjamentu è strategia. Hè un ghjovanu ghjucadori chì currispondi à u prufilu è à i valori chì no circhemu à l’ACA ». Impiditu da a cuncurrenza à Rennes, u difensori ùn vedi l’ora di fassi valè annantu à u tarrenu.