Stintu, Populu, Nazione

Populu Biancu è Rossu, in stu ghjornu storicu pà u nostru paesi, semu fieri d’annunciavvi u ritornu di i parolli « Stintu, Populu, Nazione » in Timizolu ! Scritti in 2012 in cima à a tribuna Antoine Faedda, sti parolli, spechju di ciò chì ci porta ogni ghjornu, ani da supranà dinò u tarrenu di a squadra di l’Orsu. Vi ni sareti forsi avvisti, sò parechji mesi chì no travagliemu pà pruponavi sempri di più cuntinuti in lingua corsa è chì no circhemu à mantena i valori di l’ACA è di u nostru populu cù un spiritu di spartera, di sulidarità è sta forza d’ùn lintà nulla. Vulemu essa u portabandera di a nostra terra in lu mondu di u ballò prufiziunali, sempri à fiancu à voi. Bona festa di a Nazioni à tutti è forza ACA !