Amicali di l'Anziani

Etienne Sansonnetti è Jean-Jean Marcialis veghjani pà sempri annantu à Timizolu ! U nostru duettu miticu è storicu hè stampatu oramai in cori di a tribuna Jean-Baptiste Poli. L’affrescu, fattu incù l’aiutu priziosu di l’Amicali di l’Anziani ghjucadori di l’ACA hè degnu di a putenza di i dui parsunaghji storichi.
U prisidenti Léon Luciani è l’Amicali di l’Anziani ani avutu l’onori di prisintà l’affrescu à i famigli Sansonnetti è Marcialis ma dinò à a stampa isulana. Tutti aviani rispostu à a chjama di l’Amicali di l’Anziani di l’ACA chì hà purtatu incù passioni stu prughjettu magnificu. Una bella stonda di spartera hè stata organizata cù a prisenza di parechji parsunaghji storichi di u club è di l’artistu Fabrice Martinez, autori di l’opara.

• L'ACA hà fattu onori à Étienne Sansonnetti è Jean-Jean Marcialis

• Una maglietta da fà onori à l'Amicali di l'anziani

U 2 di dicembri di u 2018, l'Amicali di l'Anziani di l'ACA hà dicisu di renda un bell'umaghju à Laurent Pieri è Mohamed Azzouz, dui educatori storichi ch'ani marcatu parechji generazioni di ghjucadori aiaccini in l'anni 70 è 80. L'Amicali di l'ACA era incù quilla di l'Olimpicu Aiaccinu, altra squadra aiaccina fraquintata da i dui parsunaghji. Una bella stonda di spartera in Timizolu incù i so figlioli. 

• A storia di Laurent Pieri

• A storia di Mohamed Azzouz in Aiacciu

• Un umaghju cumuventi 

L’ACA è l'Amicali di l'Anziani ani affistatu com'ellu si devi u titulu di D2 vintu 50 anni fà! U 28 di maghju di u 1967 ferma pà i sustinidori accaniti di l'ACA unu di i più belli ghjorni di a storia di u club. Stu ghjornu chì a squadra bianca è rossa hà vintu u titulu di campioni di Francia di Siconda Divisioni 4 à 0 contru à Limoges incù u sustegnu d'un publicu infiaratu. Fù a prima cullata di l'Orsi in Prima Divisioni.

• Fighjuleti u riportu : A nostra storia

• Riassuntu filmatu di l'ivinimentu (Alta Frequenza)

• Festa pà l'eroi di a Storia di l'ACA  

• L'ACA conta a so storia 

- 8 uttrovi 2016 : Una festa di u ballò pà a Marie-Do.

- 10 maghju 2016 : L’anziani di l'ACA, di u GFCA è di u SCB insemi.

- 20 ghjinnaghju 2015: L’Anziani ci parlani di u derby aiaccinu.

- 28 uttrovi 2014: Cumunicatu di sustegnu A nostra bandera.

- 23 lugliu 2014: Anziani di l’ACA è di u GFCA insemi innanzi à u derby in Liga 2.

- 26 aprili 2014: Lolo Alata è François Borodin, dui viti in biancu è rossu.

- 7 dicembri 2013: GFCA-ACA pà u populu sardu

- 6 sittembri 2013: ACA-SCB pà u principiu di u challenge Michel Moretti

- 5 ghjugnu 2013: Scontru amichevuli GFCA-ACA

- 7 aostu 2012: ACA-GFCA pà principià u challenge Michel Moretti

- Ghjugnu 2012: ACA-Squadra Balanina pà a Cuppa di Corsica