Chì putenza ch'elli ani fattu veda i nostri Orsi sta sera! I Bianchi è Rossi ani battutu à Auxerre ch'avia marcatu u prima but (2-1). Ogni ghjucadori aiaccinu hà purtatu a so petra à l'opara cumuna di sta vittoria. Ani marcatu Riad Nouri è Ghislain Gimbert è po Benjamin Leroy hà fattu una volta di più un bellu travagliu. Eccu u riassuntu di a partita.
U but di Nouri
In li prima minuti di u scontru, l’Aiaccini sò in lu campu d’Auxerre è cumenciani à attaccà. Dopu à 8 minuti di ghjocu, Mancini si prisenta davanti à Leroy è marca pà Auxerre in la so prima occasioni. Dopu à avè pigliatu u prima but di a partita, l’Orsi ani missu u so ghjocu in piazza, tinendu sempri u ballò è avendu cusì i più belli occasioni di u prima tempu : à a 17esima minuta, Nouri tira incù forza ma u ballò passa accantu. 5 minuti dopu, Riad Nouri marca ma u so but hè ricusatu da l’arbitru chì hà ricusatu dinò un penaltì pà i Bianchi è Rossi. Ci vularà à aspittà a 40esima parchì Nouri marchessi pà daveru piazzendu u ballò da sopra à u guardianu incù finezza è tranquillità. Un but bellu miritatu pà a squadra di l’Orsu.
U but di Gimbert, l'arrestu di Leroy
L’omi d’Olivier Pantaloni rivenini annantu à u tarrenu incù a listessa mutivazioni. Riad Nouri a si prova dinò dui volti ma Auxerre difendi bè. À a 58esima minuta, Gimbert corri à a lestra è trova u cantu mancu di a gabbia di Michel. L’Orsi cercani à fà tuttu pà piglià a suprana dipoi più d’un’ora. Ci ghjugnarani nanzi à a fini di u scontru grazia à Ghislain Gimbert. L’attaccanti aiaccinu apprufitta di a prissioni Bianca è Rossa in lu campu turchinu pà piazzà u ballò in l’angulu di u but di Michel (78’). À l’ultima siconda di a partita, un arrestu magnificu di Leroy, torna unu, annantu à una penalità diretta marca a fini di u scontru incù i 3 punti. Filicitazioni à i nostri Bianchi è Rossi ch’ani miritatu senz’altru a so vittoria.
La feuille de match
AC Ajaccio - AJ Auxerre : 2-1
26ème journée de Domino’s Ligue 2
Vendredi 22 février 2019 20h
Stade François-Coty
Arbitre : M. Benchabane
Avertissements : Bellugou (36’), Boé-Kane (37’)
Buts : Mancini (8’), Nouri (38’), Gimbert (78’)
ACA : Leroy, Hergault, Cabit, Boé-Kane, Choplin, Coutadeur, Laci (Tramoni 61’), Cavalli (c puis Zady 76’), Lejeune, Nouri, Gimbert
Remplaçants : Sollacaro, Diallo, Dembélé, Mendes, Tramoni, Sawai, Zady
Entraineur : Olivier Pantaloni
AJA : Michel, Arcus, Boto, Bellugou (Dugimont 84’), Tacalfred, Souprayen, Goujon (Fomba 70’), Feret, Mancini, Philippoteaux (c), Yattara (Begraoui (70’)
Remplaçants : Laiton, Youssouf, Adeoti, Touré, Fomba, Begraoui, Dugimont
Entraineur : Pablo Correa
