Inghjusta è ingrata! Eccu comu si pò qualificà a sorti di a squadra di l'Orsu pà a 3za ghjurnata di Domino's Ligue 2 contru à u SM Caen (1-2) in Timizolu. I nostri Bianchi è Rossi ani fattu dinò una bella partita incù assai energia è un ghjocu intarissanti : ani datu tuttu ciò ch'elli t'aviani in elli. Ùn mancava cà un affari sta sera : a riescita davanti à u but ! À a fini di a partita, I sustinidori ani sciaccamanatu incù forza a so squadra. Un segnu chì c'incuraghjisci à cuntinuà è à truvà a strada di a vittoria.
Sforzi malpagati in la prima parti
Si sapia ch’ellu avia da essa difficiuli ‘ssu scontru ma qual’hè ch’avaria pinsatu à una prima parti simuli ? U SM Caen piglia a suprana marchendu à a 4a minuta dopu à un ballò mal rinviatu da l’Aiaccini. A ripresa putenti di Dominguet ùn laca micca a scelta à i Bianchi è Rossi (0 -1). Dopu à quista, l’omi d’Olivier Pantaloni si rivoltani. L’Orsi si facini valè è t’ani viramenti a vulintà di rivena à paru. Hè u sintimu spartutu da tutti in Timizolu. In pocu tempu, s’hè pussutu veda : parechji centri di Bayala, una incapata è po una ripresa di Courtet, belli sforzi di Capitanu Cavalli, i surtiti di Benjamin Leroy, una corsa magnifica di Zady : Riou rimanda u ballò cù a punta di i diti… infini, a squadra t’hà a suprana ma ùn ci la faci micca à marcà. Micca com’è Caen ch’apprufitta d’un penalty chì nimu capisci pà marcà un sicondu but (0-2), ciò ch’ùn rispechja manc’appena u corsu di u scontru. U SMC ghjoca à 10 dipoi 26esima minuta è u calciu priculosu di Diaw datu à Bayala. Un prima tempu crudeli è inghjustu pà i nostri Orsi.
Una muraglia davanti à u but nurmandu!
A siconda parti principia incù una grossa occasioni di Zady chì fiasca solu davanti à Riou ! Ci vò à aspittà a 61’ minuta par veda à Courtet sirvutu da Cavalli marcà pà i Bianchi è Rossi è infiarà à Timizolu ! U populu biancu è rossu canta u so nomu ! (1-2). Duranti un bellu pezzu, l’Orsi supraneghjani u ghjocu è Caen ùn faci cà difenda. Zady multiplicheghja l’occasioni senza pudè marcà. A ghjuventù entri in la partita ma u tiru traputenti di Corinus hè sviatu da u guardianu nurmandu, Riou. À a fini di u scontru, tutti i ghjucadori si dani di rimenu andendu à vita persa à a battaglia. Kévin Lejeune faci una ripresa da luntanu ma u ballò passa accantu. U SMC custruisci una vera muraglia davanti à a so gabbia cuntrendu tutti i tiri aiaccini. Ramintaremu a spulsioni sivera di Cédric dopu à una siconda carta gialla ch’omu capisci pocu è micca duranti u tempu in più. È po c’era dinò stu tiru putenti ghjustu nanzu à a fini di a partita… l’amarezza c’hè ma pudemu incuraghjiscia i nostri ghjucadori pà tutta a so energia.
La feuille de match
AC Ajaccio – SM Caen : 1-2
3ème journée de Domino’s Ligue 2
Vendredi 9 août 2019 à 20h
Stade François-Coty
Arbitre : B. Bastien
Avertissements : Avinel (45’), Coutadeur (63’), Pi (64’), Tramoni (82’)
Expulsion : Diaw (27’), Avinel (91’)
Buts : Deminguet (5’), Sankoh (45’ SP), Courtet (61’)
ACA : Leroy, Avinel, Choplin, Huard, Lejeune, Coutadeur, Laci (Corinus 58’), Cavalli (El Idrissy 69’), Bayala (Tramoni 73’), Zady, Courtet
Remplaçants : Sollacaro, Corinus, Diallo, Tomi, Kalulu, Tramoni, El Idrissy
Entraineur : Olivier Pantaloni
SMC : Riou, Armougom, Diaw, Rivierez, Weber, Sankoh, Deminguet (Avounou 35’), Gonçalves, Pi, Tchokounté (Zahary 45’), Moussaki
Remplaçants : Zelazny, Mbengue, Vandermersch, Zahary, Avounou, Joseph, Tutu
Entraineur : Rui Almeida
