Una disfatta amara

A partita principia subitu subitu incù un bellu tiru di Tramoni, dopu à un centru di Nouri, chì passa accantu !
À l’8esima minuta, Benjamin Leroy si faci valè fendu una bella surtita in li pedi di Boupendza. Mancu una minuta dopu, i bianchi è rossi ricollani è annantu à un centru di Nouri, un difensori di u Gazélec marca guasgi contru à u so campu.
Duranti 10 minuti, l’Orsi t’ani l’occasioni intarissanti com’è incù u centru di Cavalli pà Matteo Tramoni ch’ùn hà micca pussutu tirà.
In li deci minuti di dopu, cala l’intensità di u scontru cù menu occasioni fin’è a cannunata di u nostru capitanu à 36esima minuta è po una minuta u but magnificu di u numaru 26 Ghislain Gimbert dopu à un corner tiratu da Johan Cavalli !
Malgradu ’ssu bellu but, BA marca à 45esima minuta pà u GFCA.

U sicondu tempu principia pianu pianu cù un tiru di Gimbert chì finisci in li bracci d'Oberhauser (46') com'è quillu di Cavalli à a 49'. U Gazélec si batti è piglia a suprana à a 66' minuta grazia à un but di Dumenicu Guidi (1-2). Tandu, s'aspetta a riazzioni di l'Orsi. El Idrissy è Mendes entri par dà un fiatu novu davanti. À a 78esila minuta di a partita, Boé-Kane faci un bellu tiru... ma passa ghjustu accantu à i buts di u GFCA. Versu a fini di u scontru, u tiru di Tramoni dopu à un centru d'El Idrissi passa ancu ellu vicinu vicinu (84'). Un antru tiru di u ghjovanu aiaccinu hè cuntratu da Oberhauser dui minuti dopu. Hè cù sta disfatta 1-2 ch'ellu si compii u scontru malgradu i sforzi fatti à a fini da i nostri bianchi è rossi.