L'azziunarii di l'Holding prupiitaria di l'AC Aiacciu pighjini in contu a dimissioni di u Prisidenti Léon Luciani è u salutani pà tuttu u travaghju è i sacrifizii ch'ellu hà fattu... U ringraziemi di cori. U nuvellu prisidenti di u club hè M. Christian LECA, prisidenti attuali di l'associu ACA.
Un omu à u sirviziu di u sport corsu
Christian Leca, dirighjenti di u club chì sò parechji anni è prisidenti di l'associu ACA dipoi 2012 hè ben cunnusciutu in la casa Bianca è Rossa. U nuvellu prisidenti hè dinò bellu famosu è rispittatu in lu mondu spurtivu isulanu. Organizatori di u Ghjiru di Corsica di i vitturi, merri di Veru, Christian Leca hà sempri fattu massi pà i nostri lochi cù assai riescita. L'AC Aiacciu prega à M. Christian Leca una bella prisidenza di u club è tanta riescita pà l'istituzioni ACA.
