Vennari u 5 d’aprili à l’occasioni di u scontru trà i dui squadri aiaccini, i nostri Bianchi è Rossi purtarani maglietti da fà onori à l’Amicali di l’Anziani di l’ACA è chì sarani in vendita à u prufittu di l’associu.
Solu 18 maglietti
Cumpostu di parsunaghji aiaccini, sò parechji anni chì l’Amicali di l’Anziani si dà di rimenu pà fà cunnoscia a storia di l’AC Aiacciu, riprisintà i culori di u club in parechji scontri spurtivi, sustena l’azzioni suciali di l’ACA è tena accesa a fiara Bianca è Rossa incù cirimonii è parechji ivinimenti. Pocu tempu fà, l’Amicali di l’Anziani di l’ACA hà organizatu un bellu ivinimentu in mimoria di dui educatori rinumati : Laurent Pieri è Mohamed Azzouz. L’Amicali hè dinò andatu in Sardegna pà scuntrà u so paru di Palau. L’associu incù u so prisidenti Jean Marcialis ùn conta micca di piantà quì è t’hà sempri assai idei.
Infurmazioni è risirvazioni
A vendita di i maglietti purtati pà u derby aiaccinu parmittarà à l’Amicali d’organizà una billissima azzioni. Sì vo vuleti sustena l’associu è avè a vostra maglietta purtata duranti u derby, scrivitici puri quì : communication@ac-ajaccio.corsica mittendu nomu, casata è numaru di teleffonu.
