I prufiziunali in Bastelicaccia

Stu dopumeziornu, i nostri Bianchi è Rossi sò andati à veda i zitelli di u FC Bastelicaccia com'elli a facini dipoi quattru anni di fila. Riad Nouri, Mathieu Coutadeur, Lucas Pellegrini è Manu Cabit ani animatu parechji attelli pà u staziu di vacanzi organizatu da a squadra partinaria di a nostra furmazioni! I zitelli ani statu à senta i cunsigli dati incù primura da i nostri ghjucadori prufiziunali prima di riceva i so carti è affissi didicati. Senza sminticà a visita di u nostru amicacciu Orsu! Un bellu mumentu di spartera inghjiru à u ballò. Tanti ringrazii à u FC Bastelicaccia pà a so accolta sincera è à i nostri Orsi pà a so prisenza è u so impegnu.