Quist'annu pà Pasqua Pifania, a Panattaria Galeani, unu di i più vechji cumerci di u Borgu in Aiacciu, hà dicisu di fà i so favi à i culori di l'ACA! Natu in lu 1835, stu locu hè un tempiu di i tradizioni è di u sapè fà anticu.
Annu, a famiglia Galeani avia resu un omaghju à a storia di a Corsica pà sta festa cristiana. I favi purtavani i nomi di i più gran parsunaghji di a storia di l'isula. Un'idea orighjinali di a panattaria di 130 anni chì t'avia avutu un bellu successu in la cità impiriali!
Quist'annu in lu vostru biscottu di i Rè, pudareti ritruvà 7 favi chì facini onori à a storia di l'ACA è chì riprisentani ghjucadori mitichi (Etienne Sansonetti, Jean-Jean Marcialis, Albert Vannucci, Claude Peretti è ancu u nostru Capitanu Cavalli). A nostra squadra hè riprisintata da u so logò, a so maglietta bianca è rossa è u so gruppu di sustinidori! I biscotti sò dighjà in vendita in Carrughju di u Borgu (Carrughju Fesch) à u 3.
L'AC Aiacciu ringrazia di cori à Marie-Antoinette è Anaïs Vincileoni pà u so bellu omaghju à a squadra bianca è rossa chì in 1975, t'avia com'è prisidenti un parenti soiu, Santu Vincileoni. Una bella ochjata à a storia! Forza Aiacciu!
