Quist’annu, l’AC Aiacciu hà dicisu di fà onori à unu di i più grandi parsunaghji storichi di a cità d’Aiacciu… 250 anni fà, nascia Nabulioni Bonaparte, impiratori è geniu militari. Pà ‘ssa staghjoni nova, i ghjucadori purtarani à u centru di a so maglietta, a lettara « N » di Nabuliò è a curona d’arifoghju, simbulu di vittorii. L’Aiaccini purtarani una maglietta tradiziunali in casa incù i rigaturi storichi, for di casa, una maglietta bianca, culori principali di u club è po una terza viuletta da renda umaghju à Nabuliò. I maglietti sarani dispunibuli in fin di sittimana à u magazenu officiali di l’ACA è annantu à u situ internet.
Le 24 Juillet 2019
